وينــــــــــــــــــــــكم!؟

وينكم يا سباع ديرتنا النشامة وينكم

وينكم يالماتعرفون الملامة وينكم؟

ما تشوفون بكثر طول السجن ذل حومكم

لو تشوفون المذلة وساكرين بنومكم؟

يا ابطال البلد ثوروا هذا هذا يومكم

وينكم يارمز هيبتنا وعلامه وينكم؟

أحنه ما نرقد على الذل من الحسين الشهيد

نموت بالعز يا خواني ولو يكصون الوريد

أحنه أحرار وبلدنا نحرره منهم نريد

وينكم يهل الشجاعة والشهامة وينكم؟

تنخى سمرتنا بهلها تصيح وين أهل الحمية

الحد من مسلهم عيونك كوم والها اكطع الفية

هاي سمرتكم يا خويه وتنتظرمنكم الجية

وينكم وهي بحزن يهل الكرامة وينكم؟

وماي شطكم هايج ويجري ابدموعه

ينظر بامال ليكم دوم يشكي من خضوعه

يكول ميرجعن ادموعي اشرايك الماي ورجوعه

الثار يطلبكم قبل وصل الندامة وينكم